A Força de Cretcheu

A Força de Cretcheu

Ca tem nada na es bida

Mas grande que amor

Se Deus ca tem medida

Amor inda é maior…

Maior que mar, que céu

Mas, entre tudo cretcheu

De meu inda é maior

Cretcheu más sabe,

É quel que é di meu

Ele é que é tchabe

Que abrim nha céu…

Cretcheu más sabe

É quel qui crem

Ai sim perdel

Morte dja bem

Ó força de chetcheu,

Que abrim nha asa em flôr

Dixam bá alcança céu

Pa'n bá odja Nôs Senhor

Pa'n bá pedil semente

De amor cuma ês di meu

Pa'n bem dá tudo djente

Pa tudo bá conché céu

Eugénio Tavares